उषःकाल होता होता काळरात्र झाली !
अरे, पुन्हा आयुष्यांच्या पेटवा मशाली !........ २
आम्ही चार किरणांचीही आस का धरावी ?...... २
जे कधीच नव्हते त्याची वाट का पहावी ?....... २
कसा सूर्य अंधाराच्या वाहतो पखाली !...... २
अरे, पुन्हा आयुष्यांच्या पेटवा मशाली !
उषःकाल होता होता काळरात्र झाली !
तिजोर्यात केले त्यांनी बंद स्वर्ग साती,........ २
आम्हावरी संसारची उडे धूळमाती !......... २
आम्ही ती स्मशाने ज्यांना प्रेतही ना वाली !........ २
अरे, पुन्हा आयुष्यांच्या पेटवा मशाली !
उषःकाल होता होता काळरात्र झाली !
उभा देश झाला आता एक बंदिशाला।........२
जिथे देवकीचा पान्हा दुधाने जळाला !........ २
कसे पुण्य दुर्दैवी अन् पाप भाग्यशाली !.......... २
अरे, पुन्हा आयुष्यांच्या पेटवा मशाली !
उषःकाल होता होता काळरात्र झाली !
धुमसतात अजुनी विझल्या चितांचे निखारे !........ २
अजुन रक्त मागत उठती वधस्तंभ सारे !......... २
आसवेच स्वातंत्र्याची अम्हाला मिळाली !......... २
अरे, पुन्हा आयुष्यांच्या पेटवा मशाली !
उषःकाल होता होता काळरात्र झाली ! अरे, पुन्हा आयुष्यांच्या पेटवा मशाली !
